റിയാദ്: ഇന്ത്യയില്‍ നിന്ന് കോഴിയടക്കമുള്ള പക്ഷികളുടെ ഇറക്കുമതി സഊദി താല്‍ക്കാലിക നിരോധനം ഏര്‍പ്പെടുത്തി. പുറമെ കോഴിമുട്ട ഇറക്കുമതിക്കും നിരോധനമുണ്ട്. ഇന്ത്യയുടെ ചില ഭാഗങ്ങളില്‍ പക്ഷിപ്പനി പടര്‍ന്നു പിടിച്ച സാഹചര്യത്തിലാണ് വിലക്കേര്‍പ്പെടുത്തിയത്. ലോകാരോഗ്യ സംഘടനയുടെ റിപ്പോര്‍ട്ടിന്റെ അടിസ്ഥാനത്തില്‍ സഊദി ജല, പരിസ്ഥിതി, കാര്‍ഷിക മന്ത്രാലയമാണ് വിലക്ക് ഏര്‍പ്പെടുത്തിയത്. ജീവനുള്ളപക്ഷികള്‍, കോഴിക്കുഞ്ഞുങ്ങള്‍, മുട്ട തുടങ്ങിയവ ഇറക്കുമതി ചെയ്യുന്നതാണ് നിരോധനം.