ബംഗളൂരു: കര്‍ണാടക സര്‍ക്കാര്‍ ബസുകളില്‍ യാത്രക്കാര്‍ക്ക് സൗജന്യ വൈ ഫൈ സേവനവും. മാര്‍ച്ച് മുതല്‍ ഈ സംവിധാനം സംസ്ഥാനത്തെ 1540 ഓര്‍ഡിനറി ബസുകളിലും 80 കൊറോണ, വോള്‍വോ, രാജഹംസം ബസുകളിലും ലഭ്യമാകും.
ഇത് സംബന്ധിച്ച് പൂനെ ആസ്ഥാനമായി പ്രവര്‍ത്തിക്കുന്ന കമ്പനിയുമായി കര്‍ണാടക ആര്‍.ടി.സി അധികൃതര്‍ ധാരണയിലെത്തി. പ്രതിദിനം 10 എം.ബി ഡാറ്റയാണ് യാത്രക്കാര്‍ക്ക് സൗജന്യമായി ഉപയോഗിക്കാവുന്നത്. ഓരോ ബസിനും ദിവസവും 153 രൂപ നിരക്കില്‍ വൈഫൈ സജ്ജീകരിക്കുന്ന കമ്പനി കെ.എസ്.ആര്‍.ടി.സിക്ക് നല്‍കും. സംവിധാനത്തിന്റെ അറ്റകുറ്റപ്പണിയുടെ ചുമതലയും കമ്പനി നിര്‍വഹിക്കും. എന്നാല്‍ കമ്പനി പരസ്യമാര്‍ഗത്തിലൂടെയാണ് വരുമാനം കണ്ടെത്തുക.