തിരുവനന്തപുരം: ഡോ.ഡി. ബാബുപോളിനെതിരേ രൂക്ഷവിമര്‍ശനവുമായി ശില്‍പി കാനായി കുഞ്ഞിരാമന്‍. നവരാത്രി ട്രസ്റ്റിന്റെ ഇക്കൊല്ലത്തെ ശംഖുമുഖം ദേവീരത്‌ന പുരസ്‌കാരം സ്വീകരിക്കാന്‍ ബാബുപോള്‍ എത്താത്തതിനാലായിരുന്നു മുഖ്യാതിഥിയായിരുന്ന കാനായിയുടെ വിമര്‍ശനം.
അവാര്‍ഡ് വാങ്ങാന്‍ വരാത്ത വ്യക്തി നിര്‍ഭാഗ്യവാനാണ്. കാഷില്ലാത്ത അവാര്‍ഡിന് വിലയില്ലെന്നാണോ. അന്വേഷിച്ചപ്പോള്‍ വ്യക്തിപരമായ മറ്റെന്തോ ചടങ്ങുള്ളതിനാലാണ് ബാബുപോള്‍ വരാതിരുന്നത്. എന്നാല്‍ ഒരു പ്രതിനിധിയെ എങ്കിലും അയക്കാമായിരുന്നല്ലോ. അതിന്റെ ഫലം അദ്ദേഹം അനുഭവിക്കുമെന്നും കാനായി പറഞ്ഞു.