ലഖ്‌നൗ: തോല്‍വിക്ക് പിന്നാലെ സംസ്ഥാനത്ത് ബി.ജെ.പിയില്‍ നിന്ന് കൊഴിഞ്ഞ് പോക്കും. ഉപതെരഞ്ഞെടുപ്പില്‍ ബി.ജെ.പിക്കേറ്റ തിരിച്ചടിയ്ക്ക് പിന്നാലെ തൊഴില്‍ മന്ത്രി സ്വാമി പ്രസാദ് മൗര്യയുടെ മരുമകന്‍ നവല്‍ കിഷോര്‍ ബി.ജെ.പി വിട്ട് സമാജ് വാദി പാര്‍ട്ടിയില്‍ ചേര്‍ന്നു.
എസ്.പി അധ്യക്ഷന്‍ അഖിലേഷ് യാദവിന്റെയും അസം ഖാന്റെയും സാന്നിധ്യത്തിലായിരുന്നു നവല്‍ കിഷോറിന്റെ പാര്‍ട്ടി പ്രവേശം .കഴിഞ്ഞ നിയമസഭാ തെരഞ്ഞടുപ്പില്‍, സ്വാമി പ്രസാദ് മൗര്യ, ബി.എസ്.പി വിട്ടാണ് ബി.ജെ.പിയില്‍ ചേര്‍ന്നത്. പാദ്രുവന നിയമസഭ സീറ്റില്‍ നിന്നാണ് മൗര്യ മത്സരിച്ച് ജയിച്ചത്.