റിയാദ്: സഊദിയില്‍ ഊര്‍ജ കാര്യക്ഷമതാ കേന്ദ്രത്തിന് മന്ത്രിസഭ അംഗീകാരം നല്‍കി. ഊര്‍ജ സ്രോതസുകള്‍ കാര്യക്ഷമമായി ഉപയോഗപ്പെടുത്തുന്നുവെന്ന് ഉറപ്പു വരുത്താനാണ് പുതിയ കേന്ദ്രം.
സല്‍മാന്‍ രാജാവിന്റെ അധ്യക്ഷതയില്‍ റിയാദിലെ അല്‍യമാമ കൊട്ടാരത്തില്‍ ചേര്‍ന്ന യോഗത്തിലാണ് ഊര്‍ജ സ്രോതസുകള്‍ സംരക്ഷിക്കുകയെന്ന ലക്ഷ്യത്തോടെ കേന്ദ്രം സ്ഥാപിക്കാന്‍ തീരുമാനമെടുത്തത്. ഊര്‍ജ മന്ത്രി എന്‍ജിനീയര്‍ ഖാലിദ് അല്‍ഫാലിഹ് സമര്‍പ്പിച്ച കരടിന് മന്ത്രിസഭ അംഗീകാരം നല്‍കുകയായിരുന്നു.