മസ്‌കത്ത്: വടക്കന്‍ ശര്‍ഖിയ ഗവര്‍ണറേറ്റിലെ മുദൈബി വിലായത്തിലുണ്ടായ വാഹനാപകടത്തില്‍ രണ്ടു മരണം 22പേര്‍ക്ക് പരിക്കേറ്റു. വ്യാഴാഴ്ച രാവിലെയാണ് സംഭവം. ഒന്നിലധികം വാഹനങ്ങള്‍ കൂട്ടിയിടിച്ചുണ്ടായ അപകടമാണ് ദാരുണാന്ത്യത്തില്‍ കലാശിച്ചതെന്ന് അധികൃതതര്‍ വ്യക്തമാക്കി.

മരണപ്പെട്ടവര്‍ ഏത് രാജ്യക്കാരാണെന്നോ അപകടത്തിന്റെ മറ്റ് വിവരങ്ങളോ വ്യക്തമല്ല. ഏഴ് വാഹനങ്ങളാണ് അപകടത്തില്‍പ്പെട്ടതെന്ന് റോയല്‍ ഒമാന്‍ പൊലിസ് അറിയിച്ചു. പരിക്കേറ്റവരെ ആദ്യം ഇബ്ര ആശുപത്രിയില്‍ പ്രവേശിപ്പിച്ചു, പിന്നീട് ഇവരില്‍ ഗുരുതരമായി പരിക്കേറ്റവരെ നിസ്, സൂര്‍, ഖൗല, യൂണിവേഴ്‌സിറ്റി മെഡിക്കല്‍ സിറ്റി എന്നിവയുള്‍പ്പെടെയുള്ള നൂതന പരിചരണ കേന്ദ്രങ്ങളിലേക്ക് മാറ്റി.

ഇത്തരം ദുരന്തങ്ങള്‍ തടയാന്‍ ഡ്രൈവര്‍മാര്‍ ജാഗ്രതയും ട്രാഫിക് നിയമങ്ങളും പാലിക്കണമെന്ന് റോയല്‍ ഒമാന്‍ പൊലിസ് അറിയിച്ചു. ഡ്രൈവര്‍മാരും ദീര്‍ഘദൂര യാത്ര നടത്തുന്നവരും സുരക്ഷക്ക് മുന്‍ഗണന നല്‍കണമെന്ന് ആരോഗ്യ മന്ത്രാലയം അഭ്യര്‍ഥിച്ചു. എല്ലാ പൗരന്മാരും താമസക്കാരും വാഹനമോടിക്കുമ്പോള്‍, പ്രത്യേകിച്ച് ദീര്‍ഘദൂരങ്ങളില്‍ ജാഗ്രത പാലിക്കണമെന്നും മന്ത്രാലയം പ്രസ്താവനയിലൂടെ അറിയിച്ചു.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

A devastating vehicle accident in Al Mudhaibi, Oman, has resulted in two fatalities and 22 injuries, highlighting concerns about road safety in the region.