അടിമാലി: അടിമാലി താലൂക്ക് ആശുപത്രിയിലെ ഓപ്പറേഷന്‍ തിയറ്റര്‍ 10  ദിവസത്തേക്ക് അടച്ചു. ഈ ദിവസങ്ങളില്‍ ഇവിടെ നടക്കേണ്ടിയിരുന്ന ശസ്ത്രക്രിയകള്‍ മാറ്റി.
തിയറ്ററിനുള്ളില്‍ പതിപ്പിച്ചിരുന്ന തറയോടുകള്‍ തകര്‍ന്നതാണു  പ്രവര്‍ത്തനം തടസ്സപ്പെടാന്‍ കാരണം.
തിയറ്റര്‍ അടച്ചതോടെ ഗൈനക്കോളജി, ഓര്‍ത്തോ വിഭാഗങ്ങളിലെ രോഗികളാണ് കൂടുതല്‍ ബുദ്ധിമുട്ടിലായിരിക്കുന്നത്.
ഒരുവര്‍ഷം മുന്‍പാണ് എന്‍.ആര്‍.എച്ച്.എം ഫണ്ട് ഉപയോഗപ്പെടുത്തി 40 ലക്ഷത്തോളം മുടക്കി തിയറ്റര്‍ പുതുക്കി നിര്‍മിച്ചത്.
നിര്‍മാണജോലികളിലെ അപാകതയാണു തറയോടുകള്‍ തകരാന്‍ കാരണമായതെന്നാണു വിലയിരുത്തപ്പെടുന്നത്.