ഈരാറ്റുപേട്ട: സെന്റ്. ജോര്‍ജ് കോളജ് പ്രിന്‍സിപ്പലായി ഡോ. എം.വി ജോര്‍ജുകുട്ടി മുണ്ടമറ്റം ചുമതലയേറ്റു. കോളജിലെ പൂര്‍വവിദ്യാര്‍ഥിയായ ഇദ്ദേഹം പൊളിറ്റിക്‌സ് വിഭാഗം മേധാവിയായിരുന്നു. ക്യാംപസിന്റെ ചരിത്രത്തില്‍ ആദ്യമായാണ് ഒരു പൂര്‍വവിദ്യാര്‍ഥി പ്രിന്‍സിപ്പലായി ചുമതലയേല്‍ക്കുന്നത്.
1987ലാണ്  സെന്റ്.ജോര്‍ജ് കോളജില്‍ അധ്യാപകനായി ജോലിയില്‍ പ്രവേശിക്കുന്നത്. പരേതനായ മുണ്ടമറ്റത്തില്‍ വര്‍ക്കിയുടെയും മറിയത്തിന്റെയും മകനാണ്. ഭാര്യ: ജോളി. മക്കള്‍: ജീന്‍മരിയ, ജിസ്സ് മരിയ, നിക്കോള്‍ ജി. മുണ്ടമറ്റം.