കരുനാഗപ്പള്ളി: കെട്ടുകാഴ്ച കാണാന്‍ വീടിന് സമീപം നിന്നവരെ ആറംഗ അക്രമിസംഘം ക്രൂരമായി മര്‍ദിച്ചതായി പരാതി.
മര്‍ദനത്തില്‍ പരുക്കേറ്റ ഹോംഗാര്‍ഡ് ക്ലാപ്പന രാജു ഭവനത്തില്‍ രാജേന്ദ്രന്‍ (56), ക്ലാപ്പന കോട്ടയ്ക്ക്പുറം കായല്‍വാരത്ത് ബേബി (58) എന്നിവര്‍ക്ക് ആണ് പരുക്കേറ്റത്.ഇരുവരെയും കരുനാഗപ്പള്ളി താലൂക്ക് ആശുപത്രിയില്‍ പ്രവേശിപ്പിച്ചു.കഴിഞ്ഞ 22ന് വൈകിട്ട് ആറിന് വള്ളിക്കാവ് ക്ഷേത്രത്തിലെ ഉത്സവത്തോട് അനുബന്ധിച്ചാണ് ആക്രമണം. കെട്ടുകാഴ്ച കാണാന്‍ വീടിന് സമീപം നിന്ന ബേബിയെ ആറോളംവരുന്ന ആക്രമി സംഘങ്ങള്‍ യാതൊരു പ്രകോപനവും ഇല്ലാതെ ആക്രമിക്കുന്നത് കണ്ട് തടയാന്‍ എത്തിയ ഓച്ചിറ സ്റ്റേഷനിലെ ഹോംഗാര്‍ഡ് രാജോന്ദ്രന്ദ്രനും മര്‍ദനമേല്‍ക്കുകയായിരുന്നു.മര്‍ദനത്തില്‍ ബേബിയുടെ തല പൊട്ടുകയും ആഴത്തില്‍ മുറിവേല്‍ക്കുകയും ചെയ്തു. ഹോംഗാര്‍ഡിന് കൈയ്ക്കും, കാലിനും, മുഖത്തും മര്‍ദനം ഏല്‍ക്കുകയും ചെയ്തു. ഇതു സംബന്ധിച്ച് ഇവര്‍ കരുനാഗപ്പള്ളി പൊലിസില്‍ പരാതി നല്‍കി.