കടുത്തുരുത്തി: അനധികൃതമായി മദ്യവില്‍പന നടത്തിയ ആളെ കടുത്തുരുത്തി എക്‌സൈസ് അറസ്റ്റ് ചെയ്തു. റോഡരുകില്‍ അനധികൃത മദ്യവില്‍പന നടത്തിയ ഇരവിമംഗലം വഴിശ്ശേരിക്കാലായില്‍ രാജുവിനെയാണ് എക്‌സൈസ് അറസ്റ്റ് ചെയ്തത്. വെള്ളിയാഴ്ച്ച രാവിലെ ഒന്‍പതരയോടെ ആദിത്യപുരം ജങ്ഷന് സമീപമാണ് സംഭവം. അവധി ദിവസമായതിനാല്‍ അനധികൃതമായി കൈയ്യില്‍ സൂക്ഷിച്ചിരുന്ന മദ്യം റോഡരുകില്‍ വച്ച് രാജു വില്‍പന നടത്തുകയായിരുന്നു. ഇയാളുടെ കൈവശമുണ്ടായിരുന്ന ആറ് ലിറ്റര്‍ മദ്യവും എക്‌സൈസ് പിടിച്ചെടുത്തു. പ്രതിയെ കോടതിയില്‍ ഹാജരാക്കി.