കൊല്ലം: ബി.എം.എസ് സംസ്ഥാന സമ്മേളനം ആറുമുതല്‍ എട്ടുവരെ കൊല്ലത്ത് നടക്കും. ആറിന് വൈകിട്ട് നാലിന് ആശ്രാമം മൈതാനിയില്‍ നിന്ന് റാലി ആരംഭിക്കും. തുടര്‍ന്ന് കച്ചേരിമുക്ക് സുമംഗലി ഓഡിറ്റോറിയത്തില്‍ ചേരുന്ന സമ്മേളനം ബി.എം.എസ് അഖിലേന്ത്യാ അധ്യക്ഷന്‍ സി.കെ.സജിനാരായണന്‍ ഉദ്ഘാടനം ചെയ്യും. ഏഴിന് രാവിലെ 9.30ന് സുമംഗലി ഓഡിറ്റോറിയത്തില്‍ സമ്മേളനം അഖിലേന്ത്യാ ജനറല്‍ സെക്രട്ടറി വിര്‍ജേഷ് ഉപാധ്യായ ഉദ്ഘാടനം ചെയ്യും.
സുവര്‍ണജൂബിലി സമാപനസമ്മേളനം കേന്ദ്രമന്ത്രി സന്തോഷ്‌കുമാര്‍ ഗംഗ്‌വര്‍ ഉദ്ഘാടനം ചെയ്യും. വാര്‍ത്താ സമ്മേളനത്തില്‍ ബി.എം.എസ് ജില്ലാ പ്രസിഡന്റ് പി.കെ. മുരളീധരന്‍ നായര്‍, ജില്ലാ സെക്രട്ടറി വി.വേണു, സ്വാഗതസംഘം ചെയര്‍മാന്‍ പി.കേശവന്‍നായര്‍, ജനറല്‍ കണ്‍വീനര്‍ ടി.രാജേന്ദ്രന്‍പിള്ള, മീഡിയ ചെയര്‍മാന്‍ കല്ലട ഷണ്‍മുഖന്‍ എന്നിവര്‍ പങ്കെടുത്തു.