ലഖ്‌നൗ: അലഹബാദ് ജില്ലയില്‍ അംബേദ്കര്‍ പ്രതിമ അജ്ഞാതര്‍ നശിപ്പിച്ചു. ദലിതരെ സ്വാധീനിക്കുന്നതിനായി യോഗി സര്‍ക്കാര്‍ ബി.ആര്‍.അംബേദ്കറുടെ പേര് ഭീം റാവു രാംജി അംബേദ്കര്‍ എന്നുമാറ്റിയതിനു പിന്നാലെയാണ് അദ്ദേഹത്തിന്റെ പൂര്‍ണകായ പ്രതിമ അജ്ഞാതര്‍ തകര്‍ത്തത്.
നേരത്തെ അലിഗഡ്, മീററ്റ് അടക്കമുള്ള സ്ഥലങ്ങളിലും അംബേദ്കര്‍ പ്രതിമക്കുനേരെ ആക്രമണം ഉണ്ടായിരുന്നു. തമിഴ്‌നാട്ടില്‍ ഇ.വി രാമസ്വാമി പെരിയാറുടെ പ്രതിമക്കുനേരെയാണ് ആദ്യം ആക്രമണം ഉണ്ടായത്. ഈ പ്രതിമ തകര്‍ക്കണമെന്ന് സംസ്ഥാന ബി.ജെ.പി നേതാവ് ആഹ്വാനം ചെയ്തതിനു പിന്നാലെയായിരുന്നു ആക്രമണം.