പൊന്നാനി: പുതിയ ദേശീയപാത വരുമ്പോള്‍ പൊന്നാനിയില്‍ പുതിയ രണ്ടു പാലങ്ങള്‍ യാഥാര്‍ഥ്യമാകും. നാലുവരിപ്പാതയുള്‍ക്കൊള്ളുന്ന ഒരു പാലവും രണ്ടു വരിയിലുള്ള പാലവും അടുത്തടുത്തു നിര്‍മിക്കും. നിലവിലുള്ള പുതുപൊന്നാനി പാലം നിലനിര്‍ത്തുകയും ചെയ്യും.
സ്ഥലമേറ്റെടുക്കുന്നതുമായി ബന്ധപ്പെട്ട് പൊന്നാനി തഹസില്‍ദാറുടെ ഓഫിസില്‍ ചേര്‍ന്ന യോഗത്തിലാണ് ദേശീയപാത ഉദ്യോഗസ്ഥര്‍ ഇതുസംബന്ധമായ വിശദീകരണം നല്‍കിയത്. ദേശീയപാത വികസനത്തിനായുള്ള സര്‍വേ പൊന്നാനിയില്‍ ഇന്നു തുടങ്ങും. അയ്യോട്ടിച്ചിറ മുതല്‍ പൊന്നാനി സ്റ്റേഷന്‍ വരെ ആറു കിലോമീറ്റര്‍ നീളത്തിലാണ് സര്‍വേ നടക്കുക. ഇതിന്റെ ഭാഗമായാണ് തഹസില്‍ദാറുടെ നേതൃത്വത്തില്‍ യോഗം ചേര്‍ന്നത്.