ദമ്മാം/മനാമ: ഒമാന്‍ ഒഴികെയുള്ള ഗള്‍ഫ് രാജ്യങ്ങളിലും  തിങ്കളാഴ്ച റമദാന്‍ വ്രതാരംഭം. സൗദിഅറേബ്യയില്‍ മാസപ്പിറവി കണ്ടതായി വിശ്വാസ്യ യോഗ്യമായ വിവരം ലഭിച്ചതിനെ തുടര്‍ന്നാണ് റമദാന്‍ ഒന്ന് തിങ്കളാഴ്ചയാണെന്ന്
 വിവിധ ഗള്‍ഫ് രാഷ്ട്രങ്ങളിലെ മതകാര്യ വിഭാഗങ്ങള്‍ പ്രഖ്യാപിച്ചത്. സഊദി അറേബ്യയെ കൂടാതെ ഗള്‍ഫ് രാജ്യങ്ങളായ യു.എ.ഇ, ഖത്തര്‍, ബഹ്‌റൈന്‍, കുവൈത്ത് എന്നീ രാജ്യങ്ങളിലുമാണ് തിങ്കളാഴ്ച  വ്രതാനുഷ്ടാനം ആരംഭിക്കുന്നത്. അതേ സമയം ഒമാനില്‍ ഇത്തവണയും ഒരു ദിവസം കഴിഞ്ഞാണ് റമദാന്‍ വ്രതം ആരംഭിക്കുക. ഒമാനില്‍ മാസപ്പിറവി ദൃശ്യമായതായി വിശ്വാസയോഗ്യമായ വിവരങ്ങള്‍ ലഭിച്ചിട്ടില്ലെന്നും ആയതിനാല്‍ ശഅ്ബാന്‍ 30 പൂര്‍ത്തിയാക്കി ചൊവ്വാഴ്ച റമദാന്‍ ഒന്നായി കണക്കാക്കുമെന്നും ഒമാന്‍ മതകാര്യവകുപ്പ് അറിയിച്ചു.