റിയാദ്: സഊദിയിൽ വിവിധ പദ്ധതികൾ സ്വകാര്യ വൽക്കരിക്കുന്നതിനുള്ള കിരീടാവകാശിയുടെ നിർദേശത്തിനു അംഗീകാരമായി. സാമ്പത്തിക വികസന കൗണ്‍സിലാണ് കിരീടാവകാശിയുടെ നിര്‍ദ്ദേശത്തിന് അംഗീകാരം നല്‍കിയത്.

 

ഇതോടെ വിദ്യാഭ്യാസ, ആരോഗ്യ മേഖലയിലെ വിദേശ നിക്ഷേപത്തിനും തൊഴിലവസരങ്ങള്‍ക്കുമാണ് ഇത് വഴി തുറക്കുക. സഊദിയുടെ മുഖഛായ മാറ്റുന്ന വിഷന്‍ 2030 പദ്ധതിയുടെ ഭാഗമായാണ് വിവിധ പദ്ധതികൾ സ്വകാര്യ വൽക്കരിക്കാൻ കിരീടാവകാശി നിർദേശം മുന്നോട്ട് വെച്ചത്.  

 

രാജ്യത്ത് നിക്ഷേപം കുത്തനെ കൂട്ടി ജോലി സാധ്യത വര്‍ധിപ്പിക്കലാണ് ലക്ഷ്യം. ഊര്‍ജം, ജലം, ഗതാഗതം, വാര്‍ത്താ വിനിമയം, പെട്രോകെമിക്കല്‍, സാമ്പത്തിക മേഖലയിലടക്കം രാജ്യത്ത് മികച്ച സാങ്കേതിക വിദ്യയിലൂടെ പുതിയ സര്‍വകലാശാലകളും വിദ്യാലയങ്ങളും സ്ഥാപിക്കുകയും  ആരോഗ്യ രംഗത്ത് മികച്ച സ്ഥാപനങ്ങള്‍ക്കും അനുമതി നല്‍കും. പൂര്‍ണമായും വിദേശ നിക്ഷേപമാണെങ്കിലും സേവനത്തിനുള്ള നിയമനങ്ങള്‍ സ്വദേശികള്‍ക്ക് മാത്രമായി പരിമിതപ്പെടുത്തുമെന്നാണ് ഏറ്റവും വലിയ പ്രത്യേകത.

---

---