പാലക്കാട്: നഗരസഭാ കാര്യാലയത്തിന് മുന്നില്‍ സ്ഥാപിച്ചിരുന്ന ശോഭാ സുരേന്ദ്രന്റെ ഫ്‌ളക്‌സ് ബോര്‍ഡ് കത്തിച്ച നിലയില്‍. ഇന്നു രാവിലെയാണ് ഫ്‌ളക്‌സിന്റെ ഒരു ഭാഗം കത്തിനശിച്ച നിലയില്‍ കണ്ടെത്തിയത്. ശോഭാ സുരേന്ദ്രന് പാലക്കാടന്‍ കാവിക്കോട്ടയിലേക്ക് സ്വാഗതം എന്നെഴുതിയ ഫ്‌ളക്‌സാണ് നശിപ്പിക്കപ്പെട്ടത്. 

പാലക്കാട് ബി.ജെ.പി സ്ഥാനാര്‍ത്ഥിയായി ശോഭ സുരേന്ദ്രനെ മത്സരിപ്പിക്കണമെന്ന ആവശ്യം ഒരു വിഭാഗം ശക്തമായി ഉയര്‍ത്തിയിരുന്നു. എന്നാല്‍ സി കൃഷ്ണകുമാറിനെയാണ് പാര്‍ട്ടി ഇവിടെ സ്ഥാനാര്‍ഥിയായി പ്രഖ്യാപിച്ചത്. 

അതേസമയം, സംഭവത്തെ തുടര്‍ന്ന് പൊലിസ് സ്ഥലത്തെത്തി പരിശോധന നടത്തി. ആസൂത്രിതമായി ഫ്‌ളക്‌സ് കത്തിച്ചതാണെന്നാണ് നിഗമനം.