കല്‍പറ്റ: വയനാട് ഉപതെരഞ്ഞെടുപ്പിലെ യു.ഡി.എഫ് സ്ഥാനാര്‍ഥിയായ പ്രിയങ്ക ഗാന്ധിയുടെ പത്രിക സമര്‍പ്പണത്തിന് കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെയും കോണ്‍ഗ്രസ് പാര്‍ലമെന്ററി പാര്‍ട്ടി ചെയര്‍പേഴ്‌സണ്‍ സോണിയ ഗാന്ധിയും വയനാട്ടിലെത്തും. കല്‍പ്പറ്റ പുതിയ ബസ്സ്റ്റാന്റ് പരിസരത്തു നിന്ന് പതിനൊന്നിന് ലോകസഭ പ്രതിപക്ഷ നേതാവും വയനാട് മുന്‍ എം. പി. യുമായ രാഹുല്‍ ഗാന്ധിയും പ്രിയങ്ക ഗാന്ധിയും പങ്കെടുക്കുന്ന റോഡ് ഷോ ആരംഭിക്കും.

വരണാധികാരിയായ ജില്ലാ കലക്ടര്‍ക്ക് മുമ്പാകെ പന്ത്രണ്ട് മണിയോടെ പ്രിയങ്ക നാമനിര്‍ദേശ പത്രിക സമര്‍പ്പിക്കും. പ്രിയങ്കയുടെ റോഡ് ഷോയില്‍ ദേശീയ നേതാക്കളും വിവിധ മുഖ്യമന്ത്രിമാരും സംസ്ഥാന നേതാക്കളും ഉള്‍പ്പെടെ നേതാക്കളുടെ വലിയ നിര തന്നെ പങ്കെടുക്കും.

Priyanka gandhi attention amidst reports of Congress leaders Kharge and Sonia Gandhi's upcoming visit to Wayanad, Kerala, highlighting convergence of politics and celebrity culture.