പൂച്ചാക്കല്‍: മത്സ്യത്തൊഴിലാളിയുടെ ഷീറ്റ് മേഞ്ഞ വീട് പൂര്‍ണമായി കത്തിനശിച്ചു. പാണാവള്ളി മറ്റത്തിവെളിയില്‍ വി.കെ രമേശന്റെ വീടാണ് കത്തിനശിച്ചത്. കഴിഞ്ഞ ദിവസം ഉച്ചയോടെയായിരുന്നു സംഭവം. ഈ സമയം രമേശനും കുടുംബവും വീട്ടിലില്ലായിരുന്നു. പ്ലസ്ടു വിദ്യാര്‍ഥിയായ മകള്‍ സ്‌നേഹയുടെ സര്‍ട്ടിഫിക്കറ്റുകളും ഗൃഹോപകരണങ്ങളും വസ്ത്രങ്ങളും കത്തിനശിച്ചു. തീ അണയ്ക്കാനുള്ള സമീപവാസികളുടെ ശ്രമം വിഫലമായതിനെ തുടര്‍ന്ന് ചേര്‍ത്തലയില്‍നിന്നും ഫയര്‍ഫോഴ്‌സ് എത്തിയാണ് തീ അണച്ചത്. അഗ്‌നിബാധയ്ക്ക് കാരണം വൈദ്യുതി ഷോര്‍ട്ട് സര്‍ക്യൂട്ടാണെന്നാണ് പ്രാധമിക നിഗമനം. നഷ്ടം തിട്ടപ്പെടുത്തിയിട്ടില്ല.
പാണാവള്ളി വില്ലേജ് ഓഫീസര്‍ ഉള്‍പ്പടെയുള്ള അധികാരികളും ജനപ്രതിനിധികളും സംഭവസ്ഥലം സസന്ദര്‍ശിച്ചു.