കൊച്ചി: ബാര്‍ കോഴക്കേസിലെ രണ്ട് നിലപാടെടുത്ത വിജിലന്‍സിന് ഹൈക്കോടതിയുടെ രൂക്ഷ വിമര്‍ശനം. ഒരേ കേസില്‍ എങ്ങനെയാണ് കോടതി രണ്ട് നിലപാടെടുക്കുന്നത് എന്നായിരുന്നു ഹൈക്കോടതിയുടെ ചോദ്യം. മുന്‍മന്ത്രി കെ.എം മാണിക്കെതിരായ ബാര്‍കോഴക്കേസ് പരിഗണിക്കുകയായിരുന്നു ഹൈക്കോടതി. വിജിലന്‍സ് കോടതിയില്‍ കേസ് എഴുതി തള്ളണമെന്ന് ആവശ്യപ്പെട്ട ശേഷം ഹൈക്കോടതിയില്‍ തുടരന്വേഷണം ആവശ്യപ്പെട്ട് സമീപിച്ച വിജിലന്‍സ് നിലപാടിനെതിരെയാണ് വിമര്‍ശനം.
രാഷ്ട്രീയം കളിക്കാനുള്ള വേദിയല്ല ഇതെന്നും ഇതൊക്കെ ആര്‍ക്കു വേണ്ടിയാണെന്നും ഹൈക്കോടതി ചോദിച്ചു. സര്‍ക്കാര്‍ മാറുന്നതിന് അനുസരിച്ച് വിജിലന്‍സിന്റെ നിലപാടും മാറുമോ എന്നും കോടതി ചോദിച്ചു.