പത്തനംതിട്ട: പത്തനംതിട്ടയില്‍ നാളെ കെ.എസ്.യു വിദ്യാഭ്യാസ ബന്ദ്. നഴ്‌സിങ് വിദ്യാര്‍ഥിനിയുടെ മരണത്തില്‍ പ്രതിഷേധിച്ച് കോളജിലേക്ക് നടത്തിയ മാര്‍ച്ചില്‍ സംഘര്‍ഷം ഉണ്ടായതില്‍ പ്രതിഷേധിച്ചാണ് ബന്ദ്. പ്രിന്‍സിപ്പല്‍ ഉള്‍പ്പെടെയുള്ളവര്‍ക്കെതിരെ നടപടി സ്വീകരിക്കണമെന്നാണ് കെ.എസ്.യു ആവശ്യം. 

അതേസമയം തിരുവനന്തപുരം അയിരൂപ്പാറ സ്വദേശിനി അമ്മു എസ് സജീവിന്റെ മരണത്തില്‍ മൂന്ന് പെണ്‍കുട്ടികളെ പൊലിസ് കസ്റ്റഡിയിലെടുത്തിട്ടുണ്ട്. സഹപാഠികളായ അഞ്ജന മധു, അലീന ദിലീപ്, എടി അക്ഷിത എന്നിവരാണ് പൊലിസ് പിടിയിലായത്. അമ്മുവിനെ മാനസികമായി പീഡിപ്പിച്ചെന്ന് കുടുംബം ആരോപിച്ച പെണ്‍കുട്ടികളാണിവര്‍. ആത്മഹത്യ പ്രേരണക്ക് മൂവര്‍ക്കുമെതിരെ കേസെടുത്തേക്കും. 

ചുട്ടിപ്പാറ എസ്.എം.ഇ നഴ്‌സിങ് കോളജിലെ നാലാംവര്‍ഷ വിദ്യാര്‍ഥിയായ അമ്മു എസ്. സജീവ് ഈ മാസം 15നാണ് ഹോസ്റ്റല്‍ കെട്ടിടത്തിന് മുകളില്‍ നിന്ന് വീണുമരിച്ചത്. ആത്മഹത്യയെന്നായിരുന്നു പൊലിസിന്റെ പ്രാഥമിക നിഗമനം. എന്നാല്‍ മരണത്തില്‍ ദുരൂഹത ആരോപിച്ച് കുടുംബം രംഗത്തെത്തി. തുടര്‍ന്നാണ് സഹപാഠികളിലേക്ക് അന്വേഷണമെത്തിയത്.

Protest over death of nursing student KSU education bandh tomorrow in Pathanamthitta