പുന്നയൂര്‍ക്കുളം: ഹിമാചല്‍ പ്രദേശ് സംഘം പുന്നയൂര്‍ക്കുളം പഞ്ചായത്ത് സന്ദര്‍ശിച്ചു. ഹിമാചല്‍ പ്രദേശിലെ ടിബറ്റന്‍ അതിര്‍ത്തി ജില്ലയായ കിനൗറില്‍ നിന്നുള്ള 29പേരുള്‍പ്പെടുന്ന സംഘമാണ് പഞ്ചായത്ത് സന്ദര്‍ശിക്കാന്‍ എത്തിയത്.
ജനകീയാസൂത്രണ പദ്ധതികളെ കുറിച്ചുള്ള പഠനത്തിന്റെ ഭാഗമായി 'കില'യില്‍ എത്തിയ സംഘമാണ് ഉത്തരവാദിത്ത ടൂറിസം പെപ്പര്‍ പദ്ധതിയില്‍ സംസ്ഥാന സര്‍ക്കാര്‍ തെരെഞ്ഞെടുത്ത പുന്നയൂര്‍ക്കുളം പഞ്ചായത്തിലെ വിവിധ പ്രദേശങ്ങളും സ്ഥാപനങ്ങളും സന്ദര്‍ശിച്ചത്.കിനൗര്‍ ജില്ലാ പഞ്ചായത്ത് പ്രസിഡന്റ് ടാഷിക്കി നേഗിയുടെ നേതൃത്വത്തില്‍ പഞ്ചായത്ത് പ്രസിഡന്റുമാരും ജനപ്രതിനിധികളും ഉദ്യോഗസ്ഥരും അടങ്ങിയ സംഘാംഗങ്ങള്‍ ഭരണസംവിധാനം, വികസനപദ്ധതികള്‍ തുടങ്ങിയവയെ പറ്റി ജനപ്രതിനിധികളുമായും ഉദ്യോഗസ്ഥരുമായും ചര്‍ച്ച നടത്തി.
സംഘത്തോടൊപ്പം കിലയിലെ ഉദ്യോഗസ്ഥന്‍ പി.വി. രാമകൃഷ്ണന്‍, പുന്നയൂര്‍ക്കുളം പഞ്ചായത്ത് പ്രസിഡന്റ് എ.ഡി ധനീപ്, വൈസ് പ്രസിഡന്റ് മൈമൂന, സ്ഥിരം സമിതി അധ്യക്ഷന്‍ കെ.എസ് ഭാസ്‌ക്കരന്‍, അംഗങ്ങളായ ഹസീന സൈനുദ്ദീന്‍, യു.എം ഫാരിഖ്, വി. നൗഷാദ്, ജയന്തി ശശീധരന്‍, ജയലക്ഷമി രാജന്‍, സലീന മൊയ്തീന്‍ എന്നിവര്‍ സംഘത്തെ അനുഗമിച്ചു.