ഇംഫാല്‍: മണിപ്പൂരിലെ ഉരുക്കു വനിതയെന്ന് വിളിക്കുന്ന ഇറോം ശര്‍മിളക്ക് തന്റെ പൂര്‍ണ പിന്തുണയെന്ന് നടിയും മോഡലുമായ ലിന്‍ ലെയ്ശ്രം. സമര രംഗത്ത് അതുല്യ വനിതയെന്ന് വിശേഷിപ്പിക്കപ്പെട്ട ഇറോം ശര്‍മിളക്ക് തന്റെ പൂര്‍ണ പിന്തുണയെന്ന് ഇംഫാലില്‍ ലിന്‍ വ്യക്തമാക്കി.
ഇതിനിടയില്‍ ബി.ജെ.പിയും കോണ്‍ഗ്രസും അടക്കമുള്ള പാര്‍ട്ടികള്‍ സംസ്ഥാനത്തെ ശ്രദ്ധാ കേന്ദ്രമായ തൗബാലില്‍ പ്രചാരണം സജീവമാക്കിയപ്പോള്‍ ഇവിടെ ശര്‍മിളയുടെ പ്രചാരണം ആരവങ്ങളില്ലാതെയായിരുന്നു. സൈക്കിളിലാണ് വോട്ടര്‍മാര്‍ക്കടുത്ത് ഇവര്‍ എത്തുന്നത്.
മുഖ്യമന്ത്രി ഇബോബി സിങ് മത്സരിക്കുന്ന തൗബാലിലാണ് ഇറോം ശര്‍മിളയും മത്സരിക്കുന്നതെന്നതുകൊണ്ട് ഈ മണ്ഡലത്തെ രാഷ്ട്രീയ നേതൃത്വങ്ങള്‍ ഉറ്റുനോക്കുകയാണ്.