തിരൂര്‍: പൊതുവിദ്യാഭ്യാസത്തിന്റെ ഭാഗമായി മലപ്പുറം ജില്ലയില്‍ എസ്.എസ്.എ 'ജലോത്സവം 2017 'എന്ന പേരില്‍ നടത്തുന്ന കാംപയിന് തുടക്കമായി. വെട്ടം പഞ്ചായത്തിന്റേയും മലയാള സര്‍വകലാശാലയുടേയും സഹകരണത്തോടെയാണ് കാംപയിന്‍.  
മന്ത്രി ഡോ.കെ.ടി.ജലീല്‍ ഉദ്ഘാടനം ചെയ്തു. സി. മമ്മൂട്ടി എം.എല്‍.എ അധ്യക്ഷനായി. വാല്‍ക്കിണ്ടി പുസ്തക പ്രകാശനം മന്ത്രി നിര്‍വഹിച്ചു. ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ പുസ്തകം ഏറ്റുവാങ്ങി. തിരൂര്‍ ബ്ലോക്ക് പ്രോഗ്രാം ഓഫിസര്‍ ബാബുരാജന്‍, വെട്ടം പഞ്ചായത്തംഗം  മുല്ലയില്‍ രജനി സംസാരിച്ചു.
ജലോത്സവത്തോടനുബന്ധിച്ച് വിവിധ പദ്ധതി പ്രഖ്യാപനങ്ങളും പരിപാടികളും നടന്നു. ജലസുരക്ഷാ സെമിനാര്‍, പത്ര പ്രകാശനം, സര്‍ട്ടിഫിക്കറ്റ് വിതരണം, പച്ചക്കറി തൈ വിതരണം തുടങ്ങിയവയും കാംപയിന്റെ ഭാഗമായി സംഘടിപ്പിച്ചിരുന്നു.