തിരുവനന്തപുരം: കൊച്ചി മെട്രോയുടെ നിര്‍മാണം 2017 ല്‍ തന്നെ പൂര്‍ത്തിയാക്കുമെന്ന് ഡി.എം.ആര്‍.സി ചെയര്‍മാന്‍ ഇ ശ്രീധരന്‍. തിരുവനന്തപുരത്ത് മുഖ്യമന്ത്രി പിണറായി വിജയനുമായി നടത്തിയ കൂടിക്കാഴ്ചയ്ക്കുശേഷം മാധ്യമങ്ങളോടു പ്രതികരിക്കുകയായിരുന്നു അദ്ദേഹം. പിണറായി മുഖ്യമന്ത്രിയായ ശേഷം ഇതാദ്യമായാണ് ശ്രീധരനുമായി കൂടിക്കാഴ്ച നടത്തുന്നത്.

മെട്രോ നിര്‍മാണവുമായി ബന്ധപ്പെട്ട കാര്യങ്ങളാണ് കൂടിക്കാഴ്ചയില്‍ പ്രധാന ചര്‍ച്ചയായത്. അടുത്ത മാര്‍ച്ച് മാസത്തോടെ നിര്‍മാണം പൂര്‍ത്തിയാക്കുമെന്നു മുഖ്യമന്ത്രിക്ക് ശ്രീധരന്‍ ഉറപ്പുനല്‍കിയിട്ടുണ്ട്. തിരുവനന്തപുരം, കോഴിക്കോട് ലൈറ്റ് മെട്രോകളുടെ കാര്യത്തില്‍ വിശദമായ റിപ്പോര്‍ട്ട് നല്‍കാനും മുഖ്യമന്ത്രി ആവശ്യപ്പെട്ടു.