കാംപ്‌നോ: സ്പാനിഷ് ലാ ലിഗ ഫുട്‌ബോളില്‍ കരുത്തരായ ബാഴ്‌സലോണ തകര്‍പ്പന്‍ ജയം നേടിയപ്പോള്‍ ചിരവൈരിയായ റയല്‍ മാഡ്രിഡിന് സമനില. ബാഴ്‌സലോണ 6-1 ന് സ്‌പോര്‍ട്ടിംഗ് ഗിജോണിനെ തകര്‍ത്തെറിഞ്ഞപ്പോള്‍, റയല്‍ മാഡ്രിഡ് ലാസ്പാല്മസിനു മുമ്പില്‍ 2-2 ന് അടിയറവ് പറയുകയായിരുന്നു. ഈ വിജയത്തോടെ ബാഴ്‌സ റയലിനെ പിന്തള്ളി പോയിന്റ് നിലയില്‍ ഒന്നാമതെത്തി.

ബാഴ്‌സലോണക്ക് വേണ്ടി നെയ്മര്‍, മെസ്സി, സുവാരസ്, റാക്കിറ്റിക്ക്, അല്‍ക്കാസര്‍ എന്നിവര്‍ ഗോള്‍ നേടിയപ്പോള്‍ കാസ്‌ട്രോ ഗാര്‍ഷ്യയിലൂടെ ഗിജോണ്‍ ഒരു ഗോള്‍ തിരിച്ചടിച്ചു.

കളിയുടെ നാല്‍പ്പത്തേഴാം മിനുട്ടില്‍ ബെയ്ല്‍ ചുവപ്പു കാര്‍ഡ് കണ്ടു പുറത്തുപോയതു കാരണം റയല്‍ പത്തു പേരുമായാണ് കളി തുടര്‍ന്നത്. റയലിന് വേണ്ടി ക്രിസ്റ്റ്യാനോ റൊണാള്‍ഡൊ രണ്ടും ഇസ്‌കോ ഒരു ഗോളും നേടിയെങ്കിലും ഡൊമിന്‍ഗസ്, വിയര, ബോട്ടെംഗ് എന്നിവരിലൂടെ ലാസ്പാല്‍മസ് തിരിച്ചടിച്ചു.