മറ്റത്തൂര്‍: കാട്ടാനകള്‍ കൃഷി നശിപ്പിച്ച താളൂപ്പാടം, പോത്തന്‍ചിറ, അമ്പനോളി ഭാഗങ്ങളിലെ കര്‍ഷകരെ കഴിഞ്ഞ ദിവസം ഉച്ചയോടെ ചാലക്കുടി ഡി.എഫ്.ഒ സി.കെ പ്രസാദ് സന്ദര്‍ശിച്ചു. ആന മൂലം കൃഷി നാശം നേരിട്ടവര്‍ ഓണ്‍ലൈന്‍ ആയി വനം വകുപ്പിന് അപേക്ഷ നല്‍കാനും അവ എത്രയും വേഗം തീര്‍പ്പാക്കുമെന്നും ഡി.എഫ്.ഒ കര്‍ഷകര്‍ക്ക് ഉറപ്പ് നല്‍കി.
കൂടാതെ വന്യ മൃഗങ്ങളില്‍ നിന്നും സംരക്ഷണത്തിനായി കെട്ടിയിട്ടുള്ള സൗരോര്‍ജ്ജ വേലികള്‍ ഇടയ്ക്കിടെ ആന നശിപ്പിക്കുന്ന സ്ഥലങ്ങളില്‍ കിടങ്ങുകള്‍ കുഴിക്കാനുള്ള നിര്‍ദേശം പരിഗണിക്കാമെന്നും കൂടുതല്‍ ജീവനക്കാരെ ഈ ഭാഗത്ത് നിയോഗിക്കാമെന്നും ഡി.എഫ്.ഒ പറഞ്ഞു.