ന്യൂയോര്‍ക്ക്: മെസേജിങ് ആപ്പുകളായ വാട്‌സ് ആപ്പ്, ഫേസ്ബുക്ക് മെസഞ്ചര്‍, ഇന്‍സ്റ്റഗ്രാം എന്നിവ ഒന്നാകുന്നു. മൂന്ന് ആപ്പുകളെയും പരസ്പരം ലയിപ്പിക്കാന്‍ ഫേസ്ബുക്ക് ആലോചിക്കുന്നതായാണു പുതിയ വിവരം.

മൂന്ന് ആപ്പുകളും സ്വതന്ത്രമായി നിലനില്‍ക്കുമെങ്കിലും പരസ്പരം മെസേജുകള്‍ അയക്കാന്‍ പറ്റുന്ന തരത്തില്‍ ഇവയെ യോജിപ്പിക്കാനാണ് ആലോചന നടക്കുന്നത്. പരസ്പരം ഒന്നാകുന്നതോടെ ഫേസ്ബുക്കില്‍ ഇല്ലാത്തയാളുമായി വാട്‌സ് ആപ്പില്‍നിന്നും തിരിച്ചും ചാറ്റ് ചെയ്യാനാകും. ഫേസ്ബുക് സ്ഥാപകന്‍ മാര്‍ക് സുക്കര്‍ബര്‍ഗിന്റെ വ്യക്തിപരമായ ആശയം കൂടിയാണിത്.