കണ്ണൂര്‍: മുഴക്കുന്നില്‍ മാമ്പറത്ത് നാടന്‍ ബോംബ് പൊട്ടിത്തെറിച്ച് തൊഴിലുറപ്പ് തൊഴിലാളിയായ സ്ത്രീയ്ക്ക് പരുക്ക്. മുഴക്കുന്ന് മാമ്പറത്ത് ഓമന ദയാനന്ദനാണ് (53) പരുക്കേറ്റത്. ഇവരെ ഇരിട്ടി താലൂക്ക് ആശുപത്രിയില്‍ പ്രവേശിപ്പിച്ചു. സ്‌ഫോടനത്തില്‍ ഇവരുടെ വലത് കൈയ്ക്കും കാലിലും പരുക്കേറ്റു.

തൊഴിലുറപ്പ് തൊഴിലാളികള്‍ ജോലി ചെയ്യുന്നതിനിടെയാണ് ബോംബ് സ്‌ഫോടനം ഉണ്ടായത്. പത്തൊന്‍പതോളം സ്ത്രീകള്‍ ജോലി എടുക്കുന്ന സമയത്താണ് സ്‌ഫോടനം നടന്നത്.