കാടാമ്പുഴ: വിനയ വഴിയില്‍ ആത്മീയത കൈമുതലാക്കി വിദ്യാഭ്യാസ പ്രവര്‍ത്തനത്തിലൂടെ സമൂഹത്തെ നേര്‍വഴിക്കു നടത്താന്‍ കഴിഞ്ഞ മഹാ വ്യക്തിത്വമായിരുന്നു അത്തിപ്പറ്റ മുഹ്‌യിദ്ദീന്‍കുട്ടി മുസ്‌ലിയാരെന്നു പാണക്കാട് സയ്യിദ് അബ്ബാസലി ശിഹാബ് തങ്ങള്‍. ഗ്രെയ്‌സ് വാലി കാംപസില്‍ നടന്ന അത്തിപ്പറ്റ മുഹ്‌യിദ്ദീന്‍കുട്ടി മുസ്‌ലിയാര്‍ അനുസ്മരണ സംഗമത്തിന്റെയും പുതുതായി നിര്‍മിച്ച ഓഡിറ്റോറിയത്തിന്റെയും ഉദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം.
സയ്യിദ് പൂക്കോയ തങ്ങള്‍ ബാ അലവി അധ്യക്ഷ്യനായി. അബ്ദുല്‍ ഗഫൂര്‍ ഖാസിമി, അബ്ദുല്‍ വാഹിദ് മുസ്‌ലിയാര്‍ അത്തിപ്പറ്റ എന്നിവര്‍ അനുസ്മരണ പ്രഭാഷണം നടത്തി. മൗലിദ്, ഖത്മുല്‍ ഖുര്‍ആന്‍ എന്നിവയ്ക്കു സയ്യിദ് ബാപ്പുട്ടി തങ്ങള്‍ വരമ്പനാല നേതൃത്വം നല്‍കി. കെ.കെ.എസ് തങ്ങള്‍, സി.കെ സുലൈമാന്‍ ലത്വീഫി, പി. ഹമീദ് ഫൈസി, എസ്. ഹമീദ് ഹാജി, ഇ.കെ അബ്ദുല്‍ ഖാദര്‍ ഹാജി, ഡോ. അബ്ദുല്‍ ലത്വീഫ്, ആര്‍ട്‌സ് ആന്‍ഡ് സയന്‍സ് കോളജ് പ്രിന്‍സിപ്പല്‍ എം.പി ഫൈസല്‍ വാഫി, ഡോ. താജുദ്ദീന്‍ അസ്ഹരി, വാഫി കോളജ് പ്രിന്‍സിപ്പല്‍ സി.എച്ച് അബ്ദുല്‍ അസീസ് വാഫി, പബ്ലിക് സ്‌കൂള്‍ പ്രിന്‍സിപ്പല്‍ അബ്ദുല്‍ ഹമീദ് വാഫി സംസാരിച്ചു.