തിരുവനന്തപുരം: എസ്.എഫ്.ഐയുടെ സെക്രട്ടറിയേറ്റ് മാര്‍ച്ചില്‍ ബ്ലേഡ് ഉപയോഗിച്ച കേസിലെ പ്രതിയായ  ജില്ലാ സെക്രട്ടറി നന്ദന്‍ അറസ്റ്റില്‍. സിപിഎം ജില്ലാ കമ്മിറ്റി ഓഫീസില്‍ നിന്നും മടങ്ങുവഴിയാണ് അറസ്റ്റ്. കന്റോണ്‍മെന്റ് പൊലിസാണ് നന്ദനെ അറസ്റ്റ് ചെയ്തത്. 

എആര്‍ ക്യാമ്പിലേക്ക് മാറ്റിയ നന്ദനെ കോടതിയില്‍ ഹാജരാക്കും. സെക്രട്ടറിയേറ്റ് സംഘര്‍ഷക്കേസില്‍ മൂന്നാമത്തെ അറസ്റ്റാണിത്.

സഹകരണ മേഖലയിലെ വിദ്യാഭ്യസാ സ്ഥാപനങ്ങളിലെ ഫീസ് വര്‍ധന പിന്‍വലിക്കണമെന്ന് ആവശ്യപ്പെട്ട് എസ്.എഫ്.ഐ നടത്തിയ മാര്‍ച്ച് സംഘര്‍ഷത്തില്‍ കലാശിച്ചിരുന്നു. മാര്‍ച്ചിനിടെ ബ്ലേഡ് ഉപയോഗിച്ച് ബാരിക്കേഡില്‍ കെട്ടിയിരുന്ന കയര്‍ മുറിച്ചെന്നാണ് കേസ്. സംഭവത്തില്‍ എസ്.എഫ്.ഐ നേതാക്കളടക്കം കണ്ടാലറിയുന്ന 100 പേര്‍ക്കെതിരെയാണ് പൊലിസ് കേസെടുത്തിരിക്കുന്നത്. നേരത്തെ സംസ്ഥാന ഭാരവാഹികള്‍ ഉള്‍പ്പെടെ 10 പേര്‍ക്കെതിരെ കേസെടുത്തിരുന്നു. 

ബാരിക്കേഡിലെ കയര്‍ മുറിച്ചതിലൂടെ സര്‍ക്കാര്‍ സ്വത്തിന് 10,000 രൂപയുടെ നാശനഷ്ടമുണ്ടായെന്നാണ് എഫ്.ഐ.ആറില്‍ പറയുന്നത്. യൂണിവേഴ്‌സിറ്റി കോളജില്‍ നിന്ന് ആരംഭിച്ച മാര്‍ച്ച് സെക്രട്ടറിയേറ്റിന് സമീപമെത്തിയപ്പോഴാണ് സംഘര്‍ഷമുണ്ടായത്. മാര്‍ച്ചിനിടെ മുഖ്യമന്ത്രി വി.ഡി സതീശന്റെ ഫ്‌ളെക്‌സ് ബോര്‍ഡും കൊടികളും നശിപ്പിച്ചതായും ആരോപണമുണ്ട്.

district secretary nandan, who was an accused in the blade attack case during the sfi secretariat march, has been arrested.