മൂന്നാര്‍: മൂന്നാറിലെ ട്രാഫിക്ക് കുരുക്ക് ഒഴിവാക്കുന്നതിനായി ദേവികുളം എംഎല്‍എ എസ് രാജേന്ദ്രന്റെ തനതു ഫണ്ടില്‍ നിന്നും 40-ലക്ഷം രൂപമുടക്കി മുടക്കി നിര്‍മ്മിച്ച ബൈപാസ് റോഡ് തകര്‍ന്നു.
ആശാസ്ത്രീയമായി നിര്‍മ്മിച്ച ബൈപാസ് റോഡാണ് മഴ തുടങ്ങിയപ്പോള്‍ തന്നെ തകര്‍ന്നത്. റോഡിന് ഇരുവശങ്ങളിലും ഡ്രൈനേജുകള്‍ നിര്‍മ്മിക്കാതെ കരാറുകാരന്‍ നിര്‍മ്മാണം പൂര്‍ത്തിയാക്കിയത് അന്നുതന്നെ വിമര്‍ശനങ്ങള്‍ക്ക് വഴിവെച്ചിരുന്നു.
യൂത്ത് കോണ്‍ഗ്രസ്സ് പ്രവര്‍ത്തകരും നാട്ടുകാരും പ്രതിക്ഷേധവുമായി രംഗത്തെത്തുകയും ചെയ്തിരുന്നു. മാട്ടുപ്പെട്ടി-മൂന്നാര്‍ കോളനി ബന്ധിപ്പിക്കുന്ന ബൈപാസ് നിര്‍മ്മാണത്തിലെ അഴിമതി അന്വേഷിക്കണമെന്നാവശ്യപ്പെട്ട് കഴിഞ്ഞ ദിവസം യൂത്ത് കോണ്‍ഗ്രസ്സ് പ്രവര്‍ത്തകര്‍ മാട്ടുപ്പെട്ടി റോഡ് ഉപരോധിക്കുകയും ചെയ്തു. 400 മീറ്റര്‍ റോഡും അനുബന്ധമായുള്ള പാലത്തിന്റെ പണികള്‍ രണ്ടാഴ്ചക്കുമുമ്പാണ് കരാറുകാരന്‍ പൂര്‍ത്തിയാക്കിയത്. മൂന്നാറിലെത്തുന്ന സന്ദര്‍ശകര്‍ക്ക് ട്രാഫിക്ക് കുരുക്കില്‍പെടാതെ മാട്ടുപ്പെട്ടി ഭാഗങ്ങള്‍ സന്ദര്‍ശിച്ച് മടങ്ങുന്നതിനാണ് റോഡ് നിര്‍മ്മിച്ചത്.