കോഴിക്കോട്: എന്‍.ഐ.ടി കാലിക്കറ്റ് ക്യാംപസില്‍ പ്രവൃത്തിക്കുന്ന സ്പ്രിങ് വാലി സ്‌കൂള്‍ രജതജൂബിലി ആഘോഷങ്ങള്‍ 12ന് ആരംഭിക്കുമെന്ന് മാനേജ്‌മെന്റ് വാര്‍ത്താസമ്മേളനത്തില്‍ അറിയിച്ചു. 1991ല്‍ സ്ഥാപിതമായ സി.ബി.എസ്.ഇ സിലബസിലുള്ള സ്‌കൂള്‍ നൂറു ശതമാനം വിജയം നേടുന്ന സ്ഥാപനമാണ്. 12ന് രാവിലെ ഒന്‍പതരക്ക് അഡ്വ.പി.ടി.എ റഹീം എം.എല്‍.എ ഉദ്ഘാടനം ചെയ്യും. ചെയര്‍മാന്‍ ഡോ.ജി ഉണ്ണികൃഷ്ണന്‍ അധ്യക്ഷനാകും. ആഘോഷ വിളംബര ജാഥ ഇന്ന് മൂന്നു മണിക്ക് നടക്കും. വാര്‍ത്താ സമ്മേളനത്തില്‍ പ്രിന്‍സിപ്പല്‍ എ. ഷൈനി, ഡോ.എം വിജയന്‍, എം.ടി മണികണ്ഠന്‍, ജയകൃഷ്ണന്‍, കെ.പി പ്രീതി, ഡോ.ആര്‍. മനു പങ്കെടുത്തു.