കല്ലമ്പലം: ഉപജീവനത്തിനായി ഓടിച്ചിരുന്ന ഓട്ടോ അപകടത്തില്‍പെട്ട് രണ്ടു കണ്ണുകളുടെയും കാഴ്ച നഷ്ടപ്പെട്ട ഞാറയില്‍ക്കോണം പ്ലാന്താനത്തുവീട്ടില്‍ റാഫി (30)ക്ക് സാന്ത്വനമേകി വാട്ട്‌സ് ആപ്പ് കൂട്ടായ്മയും ഡീസന്റ്മുക്ക് നിവാസികളും.
റാഫിയുടെ വീട് നിര്‍മാണത്തിനായി ഇവര്‍ സ്വരൂപിച്ച 116001 രൂപ കഴിഞ്ഞദിവസം നിഹാസ്, നജീം, ദില്‍ഷാദ്, നാസിം, സജിന്‍ എന്നിവര്‍ ചേര്‍ന്ന് റാഫിക്ക് കൈമാറി. 2011 മെയ് മൂന്നിനാണ് ബൈക്കുമായി കൂട്ടിയിടിച്ച് ഓട്ടോ മറിഞ്ഞു റാഫിയുടെ കണ്ണിന് പരുക്കേറ്റത്.
താമസിക്കുന്ന വീട് കാലപ്പഴക്കം കൊണ്ട് ഏതു സമയവും തകര്‍ന്നു വീഴാവുന്ന അവസ്ഥയിലായതോടെയാണ് നാട്ടുകാരുടെ സഹായത്തോടെ വീടുപണി തുടങ്ങിയത്. കൂടെ കൈത്താങ്ങായി പ്രദേശത്തെ വാട്ട്‌സ്ആപ്പ് ഗ്രൂപ്പുകളും ഒന്നിച്ചതോടെ റാഫിയുടെ വീടെന്ന സ്വപ്നം പൂവണിയുമെന്ന പ്രതീക്ഷയിലാണ് റാഫിയും കുടുംബവും നാട്ടുകാരും.