ഗസ്സ: ഗ്രേറ്റ് മാര്‍ച്ച് റിട്ടേണിന്റെ ഭാഗമായി ഫലസ്തീനില്‍ നടക്കുന്ന പ്രതിഷേധത്തിന്റെ ഭാഗമായി നടന്ന പ്രകടനത്തില്‍ ആറാം വെള്ളിയാഴ്ചയും സംഘര്‍ഷം.

ഇന്നലെയുണ്ടായ വെടിവയ്പ്പില്‍ 40 പേര്‍ക്ക് പരുക്കേറ്റു. പ്രതിഷേധക്കാര്‍ ടയറുകള്‍ കത്തിക്കുകയും വിവിധ രൂപങ്ങളില്‍ ചായം പൂശിയും പ്രതിഷേധിച്ചു.

പ്രതിഷേധങ്ങളുടെ തുടക്കം

മാര്‍ച്ച് 30ന് ഭൂമി ദിനത്തോടനുബന്ധിച്ചാണ് ഗ്രേറ്റ് മാര്‍ച്ച് ഓഫ് റിട്ടേണ്‍ പ്രതിഷേധ പരിപാടിക്ക് തുടക്കമിട്ടത്. ഇത് മെയ് 15 നക്ബ ദിനം വരെ തുടരും. 1948 ല്‍ സയണിസ്റ്റ് ഭീകരരുടെ ആക്രമണത്തില്‍ 7.5 ലക്ഷം ഫലസ്തീനികള്‍ക്ക് സ്വന്തം വീടും നാടും വിട്ട് ഓടേണ്ടി വന്നതിന്റെ 70ാം വാര്‍ഷികമാണ് ഈ വരുന്ന നക്ബ ദിനം.

മാര്‍ച്ച് 30ന് തുടങ്ങിയ പ്രതിഷേധ പരിപാടിയില്‍ ഇതുവരെ 42 ഫലസ്തീനികള്‍ കൊല്ലപ്പെടുകയും 5,500 പേര്‍ക്ക് പരുക്കേല്‍ക്കുകയും ചെയ്തു.