പെരുമ്പാവൂര്‍: ചെറുവേലിക്കുന്ന്-ഏഴിപ്രം റോഡിന്റെ നവീകരണോദ്ഘാടനം ജില്ലാ പഞ്ചായത്ത് വൈസ് പ്രസിഡന്റ് അഡ്വ. ബി.എ അബ്ദുല്‍ മുത്തലിബ് നിര്‍വഹിച്ചു. വാഴക്കുളം പഞ്ചായത്തിലെ നാലാം വാര്‍ഡിലെ റോഡ് 17 ലക്ഷം രൂപ മുടക്കിയാണ് നവീകരിക്കുന്നത്.
വാര്‍ഡ് മെമ്പര്‍ നസീര്‍ കാക്കനാട്ടില്‍ ചടങ്ങില്‍ അധ്യക്ഷത വഹിച്ചു. ബ്ലോക്ക് പഞ്ചായത്തംഗം റഷീന അജാസ്, ഇബ്രാഹീം വടക്കനേത്തി, ഹസൈനാര്‍, ഐമുണ്ണി, അജാസ്, വിനോദ് എന്നിവര്‍ സംബന്ധിച്ചു.