കല്‍പ്പറ്റ: സംസ്ഥാന സര്‍ക്കാറിന്റെ രണ്ടാം വാര്‍ഷികാഘോഷത്തിന്റെ ഭാഗമായി ഇന്‍ഫര്‍മേഷന്‍ ആന്‍ഡ് പബ്ലിക് റിലേഷന്‍സ് വകുപ്പിന്റെ നേതൃത്വത്തില്‍ സംഘടിപ്പിക്കുന്ന പൊലിക 2018 പ്രദര്‍ശനമേള ഇന്ന് കല്‍പ്പറ്റ എസ്.കെ.എം.ജെ സ്‌കൂള്‍ ഗ്രൗണ്ടില്‍ തുടങ്ങും.
പ്രദര്‍ശനമേളയുടെ ഉദ്ഘാടനം രാവിലെ 10ന് തുറമുഖ വകുപ്പ് മന്ത്രി കടന്നപ്പള്ളി രാമചന്ദ്രന്‍ നിര്‍വഹിക്കും.
മേളയില്‍ വിവിധ വകുപ്പുകളുടെ സേവനങ്ങള്‍ ലഭ്യമാകും. പ്രവേശനം സൗജന്യമാണ്.
ഉദ്ഘാടന ദിവസമായ ഇന്ന് വൈകീട്ട് 6ന് മാതാ പേരാമ്പ്രയുടെ ഫ്യൂഷന്‍ ഷോ അരങ്ങേറും. രാവിലെ ഉണരുന്ന പൊതുവിദ്യാഭ്യാസം പ്രതീക്ഷകളും വെല്ലുവിളികളും എന്ന വിഷയത്തില്‍ സെമിനാര്‍ നടക്കും.
നാളെ വൈകീട്ട് 6ന് തുടിത്താളം ഗോത്രകലാ സംഘം നാടന്‍പാട്ട് അവതരിപ്പിക്കും. രാവിലെ വയനാടും ഗോത്രജനതയും വിഷയത്തില്‍ സെമിനാര്‍ നടക്കും.