മുട്ടില്‍: ജില്ലാ സാക്ഷരതാ മിഷന്റെ ആഭിമുഖ്യത്തില്‍ ജില്ലയിലെ പത്താം തരം- ഹയര്‍ സെക്കന്‍ഡറി തുല്യതാ പഠിതാക്കള്‍ക്കും പ്രേരക്മാര്‍ക്കുമായി മുട്ടില്‍ ഡബ്ല്യൂ.എം.ഒ ആര്‍ട്‌സ് ആന്‍ഡ് സയന്‍സ് കോളജ് ഗ്രൗണ്ടില്‍ കായികോത്സവം നടത്തി.
പത്താം തരം തുല്യതാ വിഭാഗത്തിലും ഹയര്‍ സെക്കന്‍ഡറി തുല്യതാ വിഭാഗത്തിലും സുല്‍ത്താന്‍ ബത്തേരി ബ്ലോക്ക് ജേതാക്കളായി.  പ്രേരക്മാരുടെ വിഭാഗത്തില്‍ മാനന്തവാടി ബ്ലോക്കും ജേതാക്കളായി.
ജില്ലാ പഞ്ചായത്ത് വികസനകാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ കെ മിനി കായികോത്സവം ഉദ്ഘാടനം ചെയ്തു. ജില്ലാ കോര്‍ഡിനേറ്റര്‍ പി.പി സിറാജ് അധ്യക്ഷനായി. അസി. കോര്‍ഡിനേറ്റര്‍ പി.എന്‍ ബാബു സ്വാഗതവും ഹയര്‍ സെക്കന്‍ഡറി തുല്യതാ കോഴ്‌സ് കണ്‍വീനര്‍ ചന്ദ്രന്‍ മാസ്റ്റര്‍ നന്ദിയും പറഞ്ഞു.