കോട്ടയം: മുന്‍ മന്ത്രിയും ഡെപ്യൂട്ടി സ്പീക്കറുമായിരുന്ന കെ നാരായണകുറുപ്പിന്റെ മൂന്നാമത് ചരമ വാര്‍ഷികവും അതിനോട് അനുബന്ധിച്ചുള്ള പുരസ്‌കാര സമര്‍പ്പണവും നാളെ മന്ത്രി മാത്യു ടി. തോമസ് നിര്‍വഹിക്കും. കെ നാരായണക്കുറുപ്പ് ട്രസ്റ്റ് ഏര്‍പ്പെടുത്തിയ സാമൂഹിക സേവന രംഗത്തെ മികച്ച പ്രവര്‍ത്തനത്തിനുള്ള പുരസ്‌കാരം ചങ്ങനാശ്ശേരി റേഡിയോ മീഡിയ വില്ലേജിലെ ഫാ. സെബാസ്റ്റിയന്‍ പുന്നശ്ശേരി ഏറ്റു വാങ്ങും.
ട്രസ്റ്റിന് കീഴിലുള്ള സരസ്വതം പുബ്ലിക്കേഷന്‍ന്റെ ഏഴാമത് പുസ്തകമായ എന്‍ ജയകൃഷ്ണന്‍ രചിച്ച 'എന്നെ കാറ്റിനു നല്‍കു' എന്ന പുസ്തകത്തിന്റെ പ്രകാശനവും നാരായണക്കുറുപ്പ് ഫൗണ്ടേഷന്‍ പൂര്‍ത്തീകരിച്ച നാലു വീടുകളുടെ താക്കോല്‍ കൈമാറ്റവും മന്ത്രി നിര്‍വഹിക്കും.