ഹരിപ്പാട്: നവജ്യോതി കരുണാകരഗുരുവിന്റെ നവതി ആഘോഷങ്ങളുടെ ഭാഗമായി ശാന്തിഗിരി ആശ്രമം ഹരിപ്പാട് ബ്രാഞ്ചും, കേരളാ പോലീസ് ആന്റി നാര്‍ക്കോട്ടിക് സ്‌ക്വാഡും സംയുക്തമായി ലഹരിവിരുദ്ധ ബോധവത്കരണക്ലാസ്സ് ് ഹരിപ്പാട് ഗവ.എച്ച്.എസ്.എസ്. ല്‍ വെച്ച് നടത്തി. ശാന്തിഗിരി ആശ്രമം സ്വാമി ചിത്തശുദ്ധന്‍ ജ്ഞാനതപസ്വിയുടെ അദ്ധ്യക്ഷതയില്‍ ആലപ്പുഴ ആന്റി നാര്‍ക്കോട്ടിക് സ്‌ക്വാഡ് ഡി.വൈ.എസ്.പി. ഡി. മോഹനന്‍ ക്ലാസ് ഉദ്ഘാടനം ചെയ്തു.
സ്‌കൂള്‍ ഹെഡ്മിസ്ട്രസ് ഉഷാ എ.പിള്ള സ്വാഗതവും, സ്റ്റാഫ് സെക്രട്ടറി മഞ്ജു ദേവി നന്ദിയും രേഖപ്പെടുത്തി. എ.എസ്.ഐ. അലി അക്ബര്‍ നയിച്ച ക്ലാസ്സില്‍ 200 ഓളം കുട്ടികള്‍ പങ്കെടുത്തു.
നവതി ആഘോഷങ്ങളുടെ ഭാഗമായി ആലപ്പുഴ ജില്ലയില്‍ ഉടനീളം ലഹരി വിരുദ്ധക്ലാസ്സുകളും, സെമിനാറുകളും, റോഡ് ഷോകളും മറ്റും നടത്തുമെന്ന് സ്വാമി ചിത്തശുദ്ധന്‍ അറിയിച്ചു.