ലഖ്‌നൗ: സാങ്കേതിക തകരാറിനെ തുടര്‍ന്ന് ഷാര്‍ജയിലേക്കുള്ള എയര്‍ അറേബ്യ വിമാനം അടിയന്തിരമായി ലഖ്‌നൗ അമോസി വിമാനത്താവളത്തില്‍ തിരിച്ചിറക്കി. ഇന്നലെ 12.35ന് കാട്മണ്ഡു വിമാനത്താവളത്തില്‍ നിന്നും 182 യാത്രക്കാരുമായി പറന്നുയര്‍ന്ന വിമാനം എന്‍ജിന്‍ കമ്പനത്തെ തുടര്‍ന്നാണ് ഏതാനും നിമിഷങ്ങള്‍ക്കുള്ളില്‍ തിരിച്ചിറക്കിയത്.
യാത്രകാര്‍ സുരക്ഷിതരാണെന്നും പൈലറ്റിന്റെ സംയമനമായ ഇടപെടല്‍ സുഖകരമായ ലാന്‍ഡിങിന് സഹായിച്ചെന്നും അമോസി എയര്‍പോര്‍ട്ട് ഡയറക്ടര്‍ ശ്രീവാസ്തവ പറഞ്ഞു. എല്ലാ സജീകരണങ്ങളും വിമാനത്താവളത്തില്‍ ലാന്‍ഡിങ്ങ് സമയത്ത് ഉണ്ടണ്ടായിരുന്നു. ഇവര്‍ക്ക് പോകാനായി മറ്റൊരു വിമാനം ഏര്‍പ്പെടുത്തിയതായും അദ്ദേഹം കൂട്ടിച്ചേര്‍ത്തു.