വാഷിങ്ടണ്‍: യു.എസ് നയതന്ത്രജ്ഞരോട് പാകിസ്താന്‍ മോശമായാണ് പെരുമാറിയതെന്ന് വിദേശകാര്യ സെക്രട്ടറി മൈക് പോംപിയോ. ഏഷ്യന്‍ രാജ്യങ്ങള്‍ക്കുള്ള സഹായം കുറയ്ക്കുന്നത് തുടരുമെന്ന് അദ്ദേഹം പറഞ്ഞു. യു.എന്‍ കോണ്‍ഗ്രസില്‍ വിദേശകാര്യ മന്ത്രാലയ കമ്മിറ്റിക്ക് മുന്നില്‍ മൊഴിനല്‍കുകായിരുന്നു അദ്ദേഹം. പാകിസ്താന്‍ സര്‍ക്കാര്‍ തങ്ങളുടെ നയതന്ത്രജ്ഞരെ കൈകാര്യം ചെയ്തത് പോലെ മറ്റൊരു രാജ്യവും കൈകാര്യം ചെയ്തിട്ടില്ലെന്നും അദ്ദേഹം പറഞ്ഞു. പാകിസ്താനില്‍ യു.എസ് നയതന്ത്രജ്ഞന്റെ വാഹനമിടിച്ചുണ്ടായ അപകടത്തില്‍ ഒരാള്‍ മരിച്ചതിനാല്‍ ശക്തമായ നിയന്ത്രണമാണ് സര്‍ക്കാര്‍ അദ്ദേഹത്തിനെതിരേ ചുമത്തിയത്.