ദോഹ: ദാറുല്‍ ഹുദാ ഇസ്‌ലാമിക് യൂനിവേഴ്‌സിറ്റി പൂര്‍വ വിദ്യാര്‍ഥി സംഘടന ഹുദവീസ് അസോസിയേഷന്‍ ഫോര്‍ ഡിവോട്ടഡ് ഇസ്‌ലാമിക് ആക്ടിവിറ്റീസ് (ഹാദിയ) ഖത്തര്‍ ചാപ്റ്ററിന്റെ ആഭിമുഖ്യത്തില്‍ വിവിധ മേഖലകളില്‍ മാതൃകാപരമായ പ്രവര്‍ത്തനങ്ങള്‍ കാഴ്ചവച്ച ഹുദവികള്‍ക്കുള്ള ഹാദിയ എക്‌സലന്‍സി അവര്‍ഡുകള്‍ വിതരണം ചെയ്തു. വെള്ളിയാഴ്ച ഫരീജ് അബ്ദുല്‍ അസീസിലെ ഇന്ത്യന്‍ കോഫി ഹൗസില്‍ വച്ച് നടന്ന ഇഫ്താര്‍ മീറ്റില്‍ പ്രമുഖ ഇസ്ലാമിക പണ്ഡിതന്‍ ഡോ.അലി മുഹിയുദ്ദീന്‍ ഖറദാഗി അവാര്‍ഡ് വിതരണം ചെയ്തു.ഫൈസല്‍ നിയാസ് ഹുദവിയും, മുനീര്‍ ഹുദവിയും അവാര്‍ഡിന് അര്‍ഹരായി. ഡോ. കെ.എം. ബഹാഉദ്ദീന്‍ ഹുദവി അധ്യക്ഷത വഹിച്ചു. ഡോ. അലി മുഹയുദ്ദീന്‍ ഖറദാഗി ഉദ്ഘാടനം ചെയതു.
എ.വി. അബൂബക്കര്‍ ഖാസിമി, നാസര്‍ ഹാജി, ഇഖ്ബാല്‍ കൂത്തുപറമ്പ്, ഫൈസല്‍ ഹുദവി പട്ടാമ്പി, ഫര്‍ഹാന്‍ ഹുദവി, ഇസ്മായില്‍ ഹുദവി സംബന്ധിച്ചു. സ്വാലിഹ് ഹുദവി തിരുവള്ളൂര്‍ സ്വാഗതവും നൈസാം ഹുദവി നന്ദിയും പറഞ്ഞു.