ന്യൂഡല്‍ഹി: മുന്‍ പ്രധാനമന്ത്രി മന്‍മോഹന്‍ സിങ് പാകിസ്താനുമായി ചേര്‍ന്ന് ഗുജറാത്ത് നിയമസഭാ തെരഞ്ഞെടുപ്പ് അട്ടിമറിക്കാന്‍ ശ്രമിച്ചെന്ന പരാമര്‍ശത്തില്‍ പ്രധാനമന്ത്രി നരേന്ദ്ര മോദി മാപ്പ് പറയണമെന്ന് കോണ്‍ഗ്രസ്.കോണ്‍ഗ്രസ് വക്താവ് പവന്‍ ഖേരയാണ് ഇക്കാര്യം അവശ്യപ്പെട്ട് രംഗത്തെത്തിയത്.ഔപചാരികമായും അനൗപചാരികമായും ലഭിച്ച വിവരങ്ങളുടെ അടിസ്ഥാനത്തിലാണ് പ്രധാനമന്ത്രി അത്തരത്തില്‍ പരാമര്‍ശം നടത്തിയതെന്നാണ് പ്രധാനമന്ത്രിയുടെ ഓഫിസില്‍നിന്ന് വിവരാവകാശ നിയമപ്രകാരം ലഭിച്ച മറുപടി.എന്നാല്‍ ഭരണഘടന പ്രകാരം അധികാരമേല്‍ക്കുന്ന ഒരു വ്യക്തിക്ക് എങ്ങിനെ ഇത്തരത്തില്‍ പ്രസ്താവനയിറക്കാന്‍ പറ്റുമെന്ന് പവന്‍ ഖേര ചോദിച്ചു.