പത്തനംതിട്ട: കൊടുമണില്‍ 16 കാരനെ കൊന്നു കുഴിച്ചുമൂടിയ പ്രായപൂര്‍ത്തിയാവാത്ത പ്രതികളെക്കൊണ്ട് തന്നെ പൊലിസ് മൃതദേഹമെടുപ്പിച്ച സംഭവത്തില്‍ ബാലാവകാശ കമ്മിഷന്‍ സ്വമേധയാ കേസെടുത്തു. ജില്ലാ കലക്ടറോടും ജില്ലാ പൊലിസ് മേധാവിയോടും രണ്ടാഴ്ചക്കുള്ളില്‍ വിശദീകരണം നല്‍കാനും കമ്മിഷന്‍ ആവശ്യപ്പെട്ടു. ജുവനൈല്‍ ജസ്റ്റിസ് ആക്ട് അറിയാത്തവരാണോ പൊലിസുകാരെന്നും കമ്മീഷന്‍ ചോദിച്ചു.

അഖില്‍ എന്ന 16 വയസുകാരനെ കൂട്ടുകാരായ കുട്ടികള്‍ കൊന്നു കുഴിച്ചു മൂടുകയായിരുന്നു. പ്രായപൂര്‍ത്തിയാവാത്ത ഇവരെകൊണ്ടുതന്നെ പൊലിസ് മൃതദേഹം പുറത്തെടുപ്പിക്കുകയായിരുന്നു. ഇതിന്റെ ദൃശ്യം സമൂഹമാധ്യമങ്ങള്‍ വഴി പുറത്തായിരുന്നു. തുടര്‍ന്നാണ് ബാലാവകാശ കമ്മിഷന്‍ വിധസീകരണം തേടിയത്.