കൊണ്ടോട്ടി: കരിപ്പൂര്‍ വിമാനത്താവളത്തില്‍ രണ്ട് പേരില്‍ നിന്നായി എയര്‍ കസ്റ്റംസ് ഇന്റലിജന്‍സ് 13.43 ലക്ഷത്തിന്റെ സ്വര്‍ണം പിടികൂടി. കോഴിക്കോട് സ്വദേശികളായ ഷിഫാദ്, അബ്ദുല്‍ അസീസ് എന്നിവരില്‍ നിന്നാണ് 434 ഗ്രാം സ്വര്‍ണം പിടികൂടിയത്. രണ്ട് പേരും മിശ്രിത രൂപത്തിലാക്കി ഒളിപ്പിച്ചു കടത്താനായിരുന്നു ശ്രമിച്ചത്. ഷിഫാദില്‍ നിന്ന് 359 ഗ്രാം വരുന്ന മിശ്രിതമാണ് കണ്ടെടുത്തത്. ഇതില്‍നിന്നും 6.71 ലക്ഷം രൂപ വില വരുന്ന 215 ഗ്രാം സ്വര്‍ണം വേര്‍തിരിച്ചെടുത്തു. അബ്ദുല്‍ അസീസില്‍ നിന്നും 361 ഗ്രാം മിശ്രിതമാണ് പിടികൂടിയത്. ഇതില്‍ നിന്ന് 6.84 ലക്ഷം രൂപ വില വരുന്ന 219 ഗ്രാം സ്വര്‍ണവും വേര്‍തിരിച്ചെടുത്തു.