മലപ്പുറം: മലപ്പുറം ഉപതെരഞ്ഞെടുപ്പില്‍ മനഃസാക്ഷി വോട്ട് ചെയ്യാന്‍ പ്രവര്‍ത്തകര്‍ക്കു നിര്‍ദേശം നല്‍കുമെന്ന് എസ്.ഡി.പി.ഐ സംസ്ഥാന പ്രസിഡന്റ് പി. അബ്ദുല്‍ മജീദ് ഫൈസി. ജനവിരുദ്ധ പ്രവര്‍ത്തനം നടത്തിയ കാരണത്താലണ് യു.ഡി.എഫിനു ഭരണം നഷ്ടപ്പെട്ടത്. തുടര്‍ന്ന് അധികാരത്തില്‍വന്ന ഇടതു സര്‍ക്കാരും ജനവിരുദ്ധ പ്രവര്‍ത്തനങ്ങളാണ് ചെയ്യുന്നത്.

ഈ പശ്ചാത്തലത്തിലാണ് പ്രവര്‍ത്തകര്‍ക്കു മനഃസാക്ഷി വോട്ട് ചെയ്യാന്‍ നിര്‍ദേശം നല്‍കിയിരിക്കുന്നതെന്നും അദ്ദേഹം പറഞ്ഞു. ഭീകരതയുടെ രാഷ്രീയത്തിനെതിരേ ഐക്യപ്പെടുക എന്ന കാംപയിന്റെ സംസ്ഥാനതല ഉദ്ഘാടനം നാളെ വൈകിട്ട് അഞ്ചിനു കോട്ടക്കലില്‍ നടക്കുമെന്നും അദ്ദേഹം പറഞ്ഞു. വാര്‍ത്താസമ്മേളനത്തില്‍ പി.കെ ഉസ്മാന്‍, എ.കെ അബ്ദുല്‍ മജീദ്, ജലീല്‍ നീലാമ്പ്ര പങ്കെടുത്തു.