മേപ്പയ്യൂര്‍: തരിശു ഭൂമിയിലെ കൃഷിയിറക്കിയതിന് നൂറുമേനി വിളവെടുപ്പ്. വര്‍ഷങ്ങളായി കൃഷിയോഗ്യമല്ലാതായി  കിടന്ന മേപ്പയ്യൂര്‍ ഗ്രാമപഞ്ചായത്തിലെ ചാവട്ടു പാടശേഖരത്തില്‍ നടത്തിയ നെല്‍കൃഷിയുടെ വിളവെടുപ്പാണ് ഉത്സവച്ചായയില്‍ നടന്നത്.
കൊഴുക്കല്ലൂര്‍ അഗ്രിക്കള്‍ച്ചര്‍ വെല്‍ഫെയര്‍ സൊസൈറ്റിയുടെ നേതൃത്വത്തിലാണ് പാടശേഖരത്തില്‍ കൃഷിയിറക്കിയത്. നാടന്‍ പാട്ടുകളുടെയും വാദ്യഘോഷത്തിന്റെയും അകമ്പടിയോടെ വിളവെടുപ്പിന് വിശിഷ്ടാതിഥികളെ സ്വീകരിച്ചു. ജനപ്രതിനിധികളുടെയും, കര്‍ഷക തൊഴിലാളികളുടെയും, നാട്ടുകാരുടെയും സാനിധ്യത്തില്‍ ജില്ലാ പഞ്ചായത്ത് പ്രസിഡന്റ് ബാബു പാറശ്ശേരി കൊയ്തുല്‍സവം ഉദ്ഘാടനം ചെയ്തു. സംഘം പ്രസിഡണ്ട് ബി.ടി സുധീഷ് കുമാര്‍ അധ്യക്ഷനായി. മേലടി ബ്ലോക്ക് പഞ്ചായത്ത് പ്രസിഡന്റ് കെ. കുഞ്ഞിരാമന്‍ മുഖ്യാതിഥിയായിരുന്നു. കെ.ഡി.സി ബാങ്ക് പ്രസിഡന്റ് മനയത്ത് ചന്ദ്രന്‍ മുഖ്യപ്രഭാഷണം നടത്തി. മുതിര്‍ന്ന കര്‍ഷകരെ പഞ്ചായത്ത് പ്രസിഡന്റ് പി.കെ റീന ആദരിച്ചു. ജോയിന്റ് രജിസ്ട്രാര്‍ അബ്ദുല്‍ റഷീദ് ലോഗോ പ്രകാശനം ചെയ്തു.
 ത്രിതല ഭരണ സമിതി അംഗങ്ങളായ ശാലിനി ബല കൃഷണന്‍, ഇ.  കുഞ്ഞികൃഷ്ണന്‍, സുനില്‍ ഓടയില്‍, ഭാസ്‌കരന്‍ കൊഴുക്കല്ലൂര്‍, കെ. ഉഷ എന്നിവരും, അസി. രജിസ്ട്രാര്‍ പി. സദാനന്തന്‍, യൂനിറ്റ് ഇന്‍വെസ്റ്റര്‍ സി.കെ സുരേഷ്, കൃഷി ഓഫീസര്‍ സ്മിത നന്ദിനി, എഞ്ചിനിയര്‍ സുജാത ഇളവന, പാടശേഖര സമിതി സെക്രട്ടറി വി. കുഞ്ഞിരാമന്‍ കിടാവ്, രാഷ്ട്രീയ പാര്‍ട്ടി നേതാക്കളായ കെ. രാജീവന്‍, സഞ്ചയ് കൊഴുക്കല്ലൂര്‍, പി. ബാലന്‍, പി അബ്ദുല്ല്, എം.കെ രാമചന്ദ്രന്‍, രാജീവന്‍ ആയടത്തില്‍, വി.പി ധനീഷ് എന്നിവര്‍ പ്രസംഗിച്ചു.
ഓണററി സെക്രട്ടറി സുധീഷ് കേളോത്ത് റിപ്പോര്‍ട്ട് അവതരിപ്പിച്ചു. വൈ. പ്രസിഡന്റ്  സുരേഷ് ഓടയില്‍ സ്വാഗതവും, കണ്‍വീനര്‍ ടി. സദാനന്തന്‍ നന്ദിയും പറഞ്ഞു.