മദീന: റൗദാ ശരീഫ് സന്ദർശിക്കുന്നതിനായി റമദാൻ മാസത്തിലെ പുതിയ സമയക്രമം പ്രഖ്യാപിച്ച് അധികൃതർ. വിശ്വാസികളുടെ തിരക്ക് നിയന്ത്രിക്കുന്നതിനും സുരക്ഷ ഉറപ്പാക്കുന്നതിനുമായി സ്ത്രീകൾക്കും പുരുഷന്മാർക്കും പ്രത്യേക സമയങ്ങളാണ് നിശ്ചയിച്ചിരിക്കുന്നത്.

ALSO READ: റമദാൻ ഉംറ തീർഥാടകർ ശ്രദ്ധിക്കുക; മെനിഞ്ചൈറ്റിസ് വാക്സിൻ മറക്കരുത്, നിർദേശവുമായി ആരോഗ്യ മന്ത്രാലയം

റമദാനിലെ ആദ്യ 20 ദിവസങ്ങളിൽ പുരുഷന്മാർക്ക് രാത്രി 11 മുതൽ പുലർച്ചെ 1.40 വരെയും, തുടർന്ന് രാവിലെ 6 മുതൽ 11 വരെയുമാണ് സന്ദർശനാനുമതി. ഈ ദിവസങ്ങളിൽ സ്ത്രീകൾക്ക് രാവിലെ 11.20 മുതൽ രാത്രി 8 വരെയും, പുലർച്ചെ 2 മുതൽ 5 വരെയുമാണ് സമയം ക്രമീകരിച്ചിരിക്കുന്നത്.

റമദാനിലെ അവസാന 10 ദിവസങ്ങളിൽ സമയക്രമത്തിൽ മാറ്റമുണ്ടാകും. ഈ ഘട്ടത്തിൽ സ്ത്രീകൾക്ക് രാവിലെ 6 മുതൽ 11 വരെയാണ് അനുമതിയുള്ളത്. പുരുഷന്മാർക്ക് രാവിലെ 11.20 മുതൽ രാത്രി 8 വരെയും, രാത്രി 11 മുതൽ 12 വരെയും, പുലർച്ചെ 2 മുതൽ 5 വരെയുമായി മൂന്ന് ഷിഫ്റ്റുകളിലായി സന്ദർശനം നടത്താം.

ALSO READ: മദീനയിൽ വിപുലമായ ഇഫ്താർ സൗകര്യങ്ങൾ; പ്രവാചക മസ്ജിദിൽ നോമ്പുതുറന്നത് ലക്ഷങ്ങൾ

റൗദാ ശരീഫ് സന്ദർശിക്കാൻ ആഗ്രഹിക്കുന്നവർ 'നുസുക്' (Nusuk) ആപ്ലിക്കേഷൻ വഴി മുൻകൂട്ടി അനുമതി വാങ്ങണമെന്ന് അധികൃതർ കർശന നിർദ്ദേശം നൽകിയിട്ടുണ്ട്.

authorities have announced revised timings for visiting rawdah sharif during ramadan to manage increased pilgrim flow. the updated schedule aims to ensure smooth crowd control, organized entry, and a spiritually fulfilling experience for worshippers at the prophet’s mosque.