കൊച്ചി: യുകെയില്‍ ജോലി വാഗ്ദാനം ചെയ്ത് യുവാവില്‍ നിന്ന് 12 ലക്ഷം തട്ടിയെടുത്ത പ്രതി പിടിയില്‍. തൃശൂര്‍ സ്വദേശി ബെന്നി (57)യെയാണ് പിറവം പൊലിസ് അറസ്റ്റ് ചെയ്തത്. 

2023 മാര്‍ച്ചിലാണ് കേസിനാസ്പദമായ സംഭവം. പിറവം സ്വദേശിയായ യുവാവിന്റെ പക്കല്‍ നിന്നാണ് ബെന്നി യുകെയില്‍ ജോലി ശരിയാക്കി തരാമെന്ന് പറഞ്ഞ് കബളിപ്പിച്ച് പണം വാങ്ങിയത്. കേസില്‍ ഉള്‍പ്പെട്ടതിനെ തുടര്‍ന്ന് ഇയാള്‍ ഒളിവിലായിരുന്നു. ശാസ്ത്രീയ അന്വേഷണത്തിനൊടുവില്‍ വടക്കാഞ്ചേരിയിലെ ഭാര്യ വീട്ടില്‍ നിന്നാണ് ബെന്നിയെ പൊലിസ് കസ്റ്റഡിയിലെടുത്തത്. 

അതേസമയം കേസില്‍ കൂടുതല്‍ പേര്‍ ഉള്‍പ്പെട്ടിട്ടുള്ളതായാണ് പൊലീസ് നിരീക്ഷണം. കണ്ണൂര്‍, തൃശൂര്‍ ജില്ലകളിലായി 13 കേസുകളില്‍ ഉള്‍പ്പെട്ടിട്ടുണ്ട്. പുത്തന്‍കുരിശ് ഡിവൈഎസ്പി നിഷാദ് മോന്റെ നിര്‍ദേശാനുസരണം പിറവം എസ് എച്ച് ഒ സന്തോഷ് കുമാറിന് കിട്ടിയ രഹസ്യ വിവരത്തിന്റെ അടിസ്ഥാനത്തില്‍ എസ് ഐ സെയ്തു മുഹമ്മദ്, എന്‍.പി.ബിജു, എ എസ് ഐ മാരായ ചന്ദ്രബോസ്, സന്ദീപ്, യോഹന്നാന്‍ എന്നിവരടങ്ങിയ അന്വേഷണ സംഘമാണ് പ്രതിയെ അറസ്റ്റ് ചെയ്തത്. ഇയാളെ കോടതിയില്‍ ഹാജരാക്കി റിമാന്‍ഡ് ചെയ്തു.

man accused of cheating a youth out of rs 12 lakh by offering a job in the uk has been arrested. the accused, benny (57), a native of thrissur, was taken into custody by piravom police.