ന്യൂഡല്‍ഹി: ബംഗ്ലാദേശ് പ്രധാനമന്ത്രി ശൈഖ് ഹസീന ഇന്ന് രാഷ്ട്രപതി പ്രണബ് മുഖര്‍ജിയുമായി കൂടിക്കാഴ്ച നടത്തും. നാല് ദിന സന്ദര്‍ശനത്തിനായി ഇന്ത്യയിലെത്തിയതാണ് ബംഗ്ലാദേശ് പ്രധാനമനത്രി ഷെയ്ഖ് ഹസീന.

ഇന്നലെ പ്രധാനമന്ത്രി നരേന്ദ്രമോദിയുമായി കൂടിക്കാഴ്ച നടത്തിയിരുന്നു. ഇന്ത്യയും ബംഗ്ലാദേശും ഉഭയകക്ഷി ബന്ധം കൂടുതല്‍ ശക്തമാക്കാനും തീരുമാനിച്ചു. ഇതിന്റെ ഭാഗമായി 22 കരാറുകളില്‍ ഇരു രാജ്യങ്ങളും ഒപ്പുവയ്ക്കുകയും ചെയ്തിരുന്നു.

പ്രതിരോധം, വ്യാപാരം, സൈബര്‍ സുരക്ഷാ ഉള്‍പ്പെടെയുള്ള മേഖലകളിലാണ് ഇരുരാജ്യങ്ങളും സഹകരണം. അതു പോലെ ബംഗ്ലാദേശിന് 450 കോടി രൂപയുടെ സഹായം നല്‍കാനും ഇന്ത്യ തീരുമാനിച്ചു.